Visit Today : 454
Visit Yesterday : 531
This Month : 5431
This Year : 69150
Total Visit : 174138
Hits Today : 6084
Total Hits : 959753
Who's Online : 12پی یو جے کی پیکا قانون اور میڈیا ورکرز کی برطرفیوں کے خلاف ملک گیر تحریک کا اعلان،، نیشنل میڈیا کنونشن 22 مئی کو اسلام آباد میں منعقد ہوگا
لاہور : پنجاب یونین آف جرنلسٹس صحافیوں اور میڈیا ورکرز کی بے روزگاری ، جبری برخاستگی اور تنخواہوں میں کٹوتی کے خوفناک سلسلہ اور پیکا کے کالے قانون کے خلاف مزاحمتی تحریک اور جدوجہد کرنے کے لئے انسانی حقوق کمیشن پاکستان ، سپریم کورٹ بار ایسوسی ایشن ، سپریم کورٹ بار کونسل سمیت سول سوسائٹی اور ملک کی ٹریڈ یونین تنظمیوں اور سیاسی جماعتوں کے ساتھ مشترکہ جدوجہد کے لئے رابط مہم پر ہے ۔ اس بارے میں پی یوجے کے جنرل سیکرٹری قمرالزمان بھٹی نے ایگزیکٹو کونسل کے فیصلے کے تحت صدر پی یوجے نعیم حنیف کی ہدایت پر انسانی حقوق کمیشن پاکستان ( ایچ آر سی پی ) کے چیئرپرسن اسد بٹ سے لاہور میں ان کے دفتر میں ملاقات کی ۔اس موقع پر ایچ آر سی پی پاکستان کے وائس چیئرمین راجہ اشرف بھی موجود تھے۔ قمرالزمان بھٹی نے ایچ آر سی پی کے چیئرپرسن کو پیکا کے کالے قانون کے تحت صحافیوں کے خلاف مقدمات کے اندراج اور ان کی گرفتاری سے پیدا ہونے والی بے چینی اور میڈیا اداروں میں صحافیوں اور میڈیا ورکرز کی اچانک غیر قانونی برخاستگی اور تنخواہوں میں کٹوتی کی صورتحال سے آگاہ کیا۔ انہوں نے پیکا کے خلاف پی ایف یوجے کے تحت ملک گیر سطح پر ہونے والے کنونشن اور جدوجہد سے آگاہ کیا اور بتایا اسی سلسلہ میں 22 مئی کو نیشنل میڈیا کنونشن اسلام آباد میں ہو رہا ہے جس میں ملک بھر سے صحافی اکھٹے ہو رہے ہیں جبکہ 21 مئی کو خواتین صحافیوں کا کنونشن بھی منعقد ہو رہا ہے۔ قمر بھٹی نے سنو نیوز سمیت میڈیا اداروں میں صحافیوں اور میڈیا ورکرز کی بیک جنبشِ قلم برخاستگی پر بھی اپنی تشویش کا اظہار کیا۔ اس موقع پر انسانی حقوق کمیشن پاکستان کے چیئرپرسن اسد بٹ نے کہا کہ ایچ آر سی پی شہری آزادی اور آزادی صحافت کے خلاف پیکا کے کالے قانون پر صحافیوں کی جدوجہد کے ساتھ ہے جبکہ میڈیا کارکنوں کی غیر قانونی برخاستگی کی بھی مذمت کرتی ہے اور صحافیوں کے ساتھ ہے۔انہوں نے بتایا کہ ان ایشو پر ایچ آر سی پی نے اپنے دفتر میں کے یوجے کے صدر طاہر حسن خان سمیت تمام صحافیوں اور ٹریڈ یونین تنظمیوں کو مدعو کیا ہے ۔ جس میں سب کے ساتھ مل کر مشترکہ جدوجہد کا عزم کیا جائے گا۔ اسد بٹ نے حکومت وقت سے مطالبہ کیا کہ وہ میڈیا اداروں میں میڈیا ورکرز کی غیر قانونی برخاستگی کا نوٹس لے ۔لوگوں کو روزگار فراہم کرنا حکومت کی ذمہ داری ہے اور حکومت یہ ذمہ داری پوری کرئے۔
