Visit Today : 648
Visit Yesterday : 690
This Month : 11602
This Year : 11602
Total Visit : 116590
Hits Today : 2646
Total Hits : 455298
Who's Online : 9نشتر ہسپتال دکھی انسانیت کے بجائے کرپٹ مافیاز کا اڈہ بن چکا ہے،،نشتر کی نجکاری نہیں، کرپٹ مافیاز کا احتساب کیا جائے: غازی احمد حسن کھوکھر
ملتان : کرپٹ مافیاز نے دکھی انسانیت کے لئے قائم کردہ نشتر ہسپتال جیسی نعمت کو عوام کے لئے پھانسی گھاٹ اور قومی خزانہ کے لئے سفید ہاتھی بنا رکھا ہے اب ڈاکٹرز و میڈیسن کمپنیوں اور ان سے جڑے لوگوں کے مفاد کے لئے ہی مختص ہو کر رہ گیا ہے یہی مافیاز ہی اس کی نج کاری کے جواز کے ذمہ دار ہیں حکومت نشتر ہسپتال کی نج کاری کی بجائے کرپٹ مافیاز کا احتساب کرے اور انتظامی طور پر درستگی کرے ان خیالات کا اظہار عوامی احتساب سیل و نیشنل لیبر الائنس کے مرکزی چیئرمین غازی احمد حسن کھوکھر نے اپنے ساتھیوں کے ہمراہ پریس کانفرنس سے خطاب کرتے ہوئے کیا غازی احمد حسن کھوکھر نے کہا کہ جی ٹی ، پاکستان اسٹیل ملز ، پی آئی اے ، مالیاتی اداروں سمیت جو منافع بخش اداروں سے خسارے میں تبدیل ہو کر عوام میں اپنی افادیت کھو جانے کے بعد فروخت ہوئے ان اداروں کی افسر شاہی نے نہ صرف قومی خزانہ سے لوٹا بلکہ عوام کو لوٹ مار کے ذریعہ بے زار کر کے اس ادارے کو غیر اہم بنانے میں منفی کردار ادا کیا پریس کانفرنس میں کہا گیا کہ یہ 100 فیصد درست ہے کہ اب نشتر ہسپتال میں عام آدمی کو طبی امداد فراہم کرنے کی بجائے دھتکارا اور دھکے دیئے جاتے ہیں نشتر ہسپتال کے چاروں اطراف میڈیسن کا ماہانہ اربوں روپے کا کاروبار ہو رہا تو نشتر ہسپتال کا ادویات کا بجٹ کہاں جاتا ؟ مریضوں کے لئے کھانا ، بستروں کی ضروریات مخیر حضرات و نجی کمپنیاں اور لوگوں کی طرف سے امداد سے مہیا ہوتی ہیں اس کے باوجود تجربے میں آیا ہے کہ لوگوں کی بڑی تعداد جب علاج و معالجہ کے لئے جاتے ہیں تو کئی کئی ٹیسٹ کی مد میں رقوم خرچ کر کے پھر بھی پرائیویٹ ہسپتالوں میں جانے پر مجبور ہو جاتے ہیں پریس کانفرنس میں عصمت اللہ خان نتکانی ،، ملک رشید کھوکھر ،، چوہدری محمد اکرم گجر ،، و دیگر موجود تھے انھوں نے کہا کہ جو ادارے عوام میں اپنی افادیت کھو دیں تو ان کا وجود خطرے میں پڑ جاتا ہے وزیر اعظم و وزیر اعلیٰ پنجاب کرپٹ مافیاز کے خلاف کاروائی کر کے اصلاح و احوال کی طرف اقدامات کریں
