Visit Today : 389
Visit Yesterday : 533
This Month : 6682
This Year : 54518
Total Visit : 159506
Hits Today : 2393
Total Hits : 718338
Who's Online : 5ملتان: خواتین کی معاشی شمولیت کیلئے ثقافتی و تھیٹر تقریب کا انعقاد،،خواتین، اقلیتوں اور معذور افراد کو بااختیار بنانے کے عزم کا اعادہ
ملتان: فارمرز ڈیولپمنٹ آرگنائزیشن
، SAP پاکستان اور GIZ پاکستان کے زیر اہتمام آل پاکستان ویمن ایسوسی ایشن (اپوا) ملتان آفس میں ایک بااثر ثقافتی و تھیٹر تقریب کا انعقاد کیا گیا۔ تقریب میں اپوا، ویمن چیمبر آف کامرس، اسٹیٹ بینک آف پاکستان، تعلیمی اداروں، محکمہ سوشل ویلفیئر، پولیس تحفظ سینٹر، سول سوسائٹی، دارالامان، منشیات بحالی مرکز، صنعتی زون اور صنعت زار سے تعلق رکھنے والے کمیونٹی ممبران، ڈی او لٹریسی، چیف پوسٹ آفس، میڈیا نمائندگان اور دیگر شعبہ ہائے زندگی سے تعلق رکھنے والے افراد نے شرکت کی۔ اس موقع پر شرکاء نے ملکی معاشی ترقی
میں خواتین کی شمولیت کے فروغ، خواتین، اقلیتوں اور معذور افراد (PWDs) کو بااختیار بنانے کے عزم کا اعادہ کیا۔ تقریب سے خطاب کرتے ہوئے میڈم مدیحہ رحمان نے کہا کہ اس پروگرام کا مقصد ملکی معاشی ترقی میں خواتین کی شمولیت کو فروغ دینا اور معذور افراد کو ٹیکسٹائل و فیشن انڈسٹری میں روزگار کے حوالے سے درپیش سماجی و ثقافتی رکاوٹوں کو اجاگر کرنا ہے۔ انہوں نے کہا کہ ہم ایک زیادہ جامع اور بااختیار معاشرے کی تشکیل کے لیے پرعزم ہیں۔ افتتاحی تقریب سے خطاب کرتے ہوئے انچارج منشیات بحالی مرکز میڈم سمیرا ستار نے کہا کہ سماجی تنظیموں کا کردار معاشرے کی ترقی میں ہمیشہ قابل ستائش رہا ہے، جبکہ وزیراعلیٰ پنجاب مریم نواز شریف خواتین کی ترقی کے لیے بھرپور اقدامات کر رہی ہیں۔ اس موقع پر مظفرآباد سوشل ویلفیئر ایسوسی ایشن کے زیر اہتمام خواتین کے حقوق سے متعلق ایک تھیٹر پیش کیا گیا جسے شرکاء نے سراہا۔ تقریب میں فارمرز ڈیولپمنٹ آرگنائزیشن سے آپا زہرہ سجاد زیدی، سینئر منیجر ایف ڈی او علی اعجاز، جنرل سیکرٹری دی شیلٹر ڈیولپمنٹ آرگنائزیشن میڈم حنا عباس، ایگزیکٹو ممبر اپوا میڈم طاہرہ نجم، صدر ویمن چیمبر آف کامرس میڈم فرح ثاقب، SAP پاکستان سے امینہ وحید، ارم، کومل اعجاز، ماہی اور مظفرآباد سوشل ویلفیئر ایسوسی ایشن کے صدر ظفر شاہین و دیگر نے شرکت کی۔
