Visit Today : 289
Visit Yesterday : 443
This Month : 11126
This Year : 58962
Total Visit : 163950
Hits Today : 4090
Total Hits : 808597
Who's Online : 10یومِ وفاتِ ڈاکٹر علامہ محمد اقبال: ملتان میں تقریب، ، اقبالؒ کا فلسفہ خودی و اتحاد آج بھی رہنمائی کا ذریعہ ہے: ملک ارشد اقبال بھٹہ
ملتان : صدر سٹی کونسل پاکستان ملک ارشد اقبال بھٹہ نے شاعرِ مشرق، مفکرِ پاکستان ڈاکٹر علامہ محمد اقبال کے یومِ وفات کے موقع پر منعقدہ تقریب سے خطاب کرتے ہوئے کہا کہ علامہ اقبالؒ برصغیر کے عظیم مفکر، شاعر اور رہنما تھے جنہوں نے اپنی شاعری اور فلسفے کے ذریعے مسلمانوں میں خودی، بیداری اور اتحاد کا شعور اجاگر کیا۔ انہوں نے کہا کہ اقبالؒ کے افکار آج بھی ہمارے لیے مشعلِ راہ ہیں اور ہمیں ان کی تعلیمات پر عمل پیرا ہو کر ایک مضبوط اور خوددار قوم بننا ہوگا۔ملک ارشد اقبال بھٹہ نے مزید کہا کہ علامہ اقبالؒ نے نوجوان نسل کو شاہین کی مانند بلند پرواز اور خود اعتمادی کا درس دیا۔ انہوں نے کہا کہ موجودہ حالات میں اقبالؒ کے پیغام کو سمجھنے اور اس پر عمل کرنے کی اشد ضرورت ہے تاکہ ہم درپیش چیلنجز کا مقابلہ کر سکیں اور ملک کو ترقی کی راہ پر گامزن کر سکیں۔انہوں نے کہا کہ ہمیں چاہیے کہ ہم اقبالؒ کے فلسفہ خودی، اتحاد اور یقینِ محکم کو اپنی عملی زندگی کا حصہ بنائیں اور نئی نسل کو بھی ان کی تعلیمات سے روشناس کروائیں۔ تقریب میں دیگر مقررین نے بھی علامہ اقبالؒ کی خدمات کو خراجِ عقیدت پیش کیا اور ان کے افکار کو فروغ دینے کے عزم کا اعادہ کیا۔تقریب کے اختتام پر ڈاکٹر علامہ محمد اقبالؒ کے درجات کی بلندی کے لیے خصوصی دعا بھی کی گئی۔
