ملتان : سابق ایم این اے و مئیر ملتان شیخ محمد طارق رشید ، ڈویژنل صدر ملتان سردار شہزاد کریم بھٹی کو عمرہ کی سعادت حاصل کرنے پر شہر ملتان کے صدر ممبر پرائس کنٹرول کمیٹی ضلع ملتان چوہدری زاہد مسعود ،سابق چیئرمین محمد قسور بھٹی سینئر نائب صدر عرفاں خان ،جمیل عباسی ،جنرل سیکرٹری سپورٹس اینڈ کلچرل ونگ نمیر علی نے مبارک باد دی اور پھولوں کا گلدستہ پیش کیا ،سردار شہزاد کریم بھٹی اور انکی فیملی کیلئے نیک خواہشات کا اظہار کیا ، شیخ محمد طارق رشید ،سردار شہزاد کریم بھٹی نے کہا کہ عمرہ کی سعادت حاصل کرنے پر اللہ پاک کا شکر ادا کرتے ہیں کہ یہ توفیق اُسی کی دی ہوئی تھی،سفر خوبصورت تھا جسے اپنی زندگی کا حاصل سمجھتے ہیں ۔اپنے اہل خانہ ،اقربا اور دوستوں کو دعائوں میں یاد رکھا امید ہے کہ سبھی دوست اور اقرباء بھی ہمیں ہمیں اپنی دعائوں میں ہمیشہ یاد رکھیں گے۔ چوہدری زاہد مسعودنے اس خوشی کے موقع پر کہا کہ عمرہ کرنے کی نیک گھڑیاں میری بھی یادوں میں ابھی تازہ ہیں ۔جو سُرور اور سکون قلب ملتاہے اسے الفاظ میں بیان نہیں کیا جاسکتا ۔اپنے سینئر دوستوں شیخ محمد طارق رشید ،سردار شہزاد کریم بھٹی کو دل کی گہرائیوں سے مبارکباد پیش کرتا ہوں کہ انہوں نے یہ عظیم نیکی حاصل کی اُن سے اپیل کروں گا کہ اس پیارے دیس پاکستان کی سلامتی اور سالمیت کیلئے دعاکریں کہ اس کے دشمن اپنے ارادوں میں ناکام ہوجائیں اور ہمارا پاک وطن قائم و دائم رہے۔