حیدرآباد:او جی ڈی سی نے صوبہ سندھ کے ضلع حیدرآباد میں واقع پاساکھی-13 کنویں سے تیل کی پیداوار کا آغاز کر دیا ہے۔ تفصیلات کے مطابق پاساکھی-13 پاکستان کا پہلا کامیاب ہوریزونٹل تیل کا کنواں ہے۔  کنویں سے یومیہ 460 بیرل تیل کی پیداوار حاصل ہو رہی ہے۔  کنویں کی 2966 میٹر گہرائی تک ڈرلنگ مکمل کی گئی۔  جدید ٹیکنالوجی سے 546میٹر سائیڈ ٹریک کھدائی کی گئی۔  نئی ڈرلنگ تکنیک سے تقریباً تین گنا زیادہ پیداوار حاصل ہوئی ہے۔  منصوبے سے ملک میں تیل کی پیداوار میں اضافہ اور توانائی میں بہتری آئے گی۔