راولپنڈی: خیبرپختونخوا کے 5علاقوں میں سکیورٹی فورسز کی کارروائیوں میں 13فتنہ الخوارج ہلاک ہو گئے۔ پاک فوج کے شعبہ تعلقات عامہ آئی ایس پی آر کے مطابق کارروائیاں بنوں،باجوڑ اور ڈی آئی خان میں کی گئیں، باجوڑ میں کارروائی کے دوران 5خوارج جہنم واصل ہو گئے،بنوں اور ڈی آئی خان میں 3خوارج مارے گئے جبکہ خیبراور جنوبی وزیرستان میں 5خوارج کو ہلاک کیا گیا۔ آئی ایس پی آر کے مطابق خوارج دہشتگردی کی متعدد کارروائیوں میں ملوث تھے،ہلاک دہشتگردوں سے اسلحہ و گولہ بارود برآمدہوا، آئی ایس پی آر کاکہنا ہے کہ سکیورٹی فورسز افغانستان سرحد پر درپیش چیلنجز سے نمٹنے کیلئے متحرک ہیں،دہشتگردی کے خاتمے تک کارروائیاں جاری رہیں گی۔