راولپنڈی: پاکستان تحریک انصاف کے کارکنوں نے اڈیالہ جیل کے باہر عمران خان کی رہائی کے لیے احتجاجی مظاہرہ کیا، اس موقع پر پولیس کی جانب سے 5 افرا د کو حراست میں لے لیا گیا۔ تفصیلات کے مطابق پولیس کا کہنا ہے کہ گرفتار افراد موبائل فون کی مدد سے جیل کی ویڈیو بنا رہے تھے، گرفتار کارکنوں میں ارشد خان، راجہ جاوید، طارق خان، ڈاکٹر فضل الہی اور دانش شامل ہیں، تمام کارکنوں کو اڈیالہ چوکی میں رکھا گیا ہے، تاحال مقدمہ درج کرنے کا فیصلہ نہیں ہوا جب کہ دیگر کارکن جیل کالونی گیٹ سے منتشر ہوگئے۔ احتجاجی مظاہرے کی قیادت پی ٹی آئی شمالی پنجاب کی صدر سیمابیہ طاہر نے کی۔