راولپنڈی : چیف آف آرمی اسٹاف جنرل سید عاصم منیر کی  جانب سے پاکستان کرکٹ ٹیم کے اعزاز میں افطار ڈنر کا اہتمام  کیا گیا۔ آئی ایس پی آر کےمطابق ڈنر کا اہتمام آرمی ہاؤس راولپنڈی میں کیا گیا،پاکستان کرکٹ بورڈ کے چیئرمین محسن نقوی سمیت پی سی بی حکام نے بھی شرکت کی۔ پاکستان کرکٹ ٹیم کی کاکول میں آرمی سکول آف فزیکل ٹریننگ کیمپ میں جسمانی تربیت کا اختتام ہوا،آرمی چیف نے کھلاڑیوں کیلئے نیک خواہشات کا اظہار کیا،کرکٹرز نے کاکول میں فراہم کی گئی بہترین تربیت اور پاکستان میں کھیلوں کی حمایت میں فوج کے کردار پر آرمی چیف کا شکریہ ادا کیا۔