ملتان: چیف ایگزیکٹو آفیسر ایجوکیشن ملتان طاہرہ عزیز سے ایپکا کے سینئر رہنما سعید مجاہد نے ملاقات کی اور انہیں عہدہ سنبھالنے پر مبارکباد پیش کی۔ اس موقع پر انہوں نے پھولوں کا گلدستہ پیش کیا اور نیک خواہشات کا اظہار کیا۔ سعید مجاہد نے گفتگو کرتے ہوئے کہا کہ طاہرہ عزیز تعلیمی شعبے میں وسیع تجربہ رکھنے والی، ایماندار اور باصلاحیت افسر ہیں۔ ان کی ملتان میں تعیناتی ایک خوش آئند اقدام ہے جس سے تعلیمی نظام میں بہتری آئے گی اور اساتذہ و طلبہ کے مسائل کے حل میں مثبت پیش رفت ہوگی۔ انہوں نے امید ظاہر کی کہ نئی سی ای او ایجوکیشن اپنی پیشہ ورانہ صلاحیتوں کو بروئے کار لاتے ہوئے سرکاری سکولوں کے معیارِ تعلیم کو مزید بہتر بنائیں گی اور اساتذہ کے جائز مسائل ترجیحی بنیادوں پر حل کریں گی۔ اس موقع پر طاہرہ عزیز نے شکریہ ادا کرتے ہوئے کہا کہ وہ ملتان میں تعلیم کے فروغ اور اداروں کی کارکردگی بہتر بنانے کے لیے تمام وسائل بروئے کار لائیں گی اور اساتذہ و عملے کے ساتھ مل کر تعلیمی بہتری کے لیے اقدامات جاری رکھیں گی۔