لاہور:انسداد دہشتگردی عدالت نے پی ٹی آئی کارکن صنم جاوید کی درخواست ضمانت مںظور کرلی ہے۔ تفصیلات کے مطابق انسدادِ دہشتگردی عدالت لاہور میں مسلم لیگ ن کا آفس جلانے کے مقدمے کی سماعت ہوئی۔ انسداد دہشتگردی عدالت کے جج ارشد جاوید نے کیس پر سماعت کی۔ انسدادِ دہشت گردی عدالت کے جج ارشد جاوید نے صنم جاوید کی درخواست ضمانت منظور کرلی۔ عدالت نے دو لاکھ روپے مچلکوں کے عوض ضمانت منظور کی۔ یاد رہے کہ تھانہ سرور روڈپولیس نے صنم جاوید کیخلاف مقدمہ درج کررکھا ہے۔