لاہور: وزیراعلیٰ پنجاب مریم نواز نے کہا ہے کہ ملک کی ترقی کیلئے سیاسی و عسکری قیادت کا مخلص ہونا ضروری ہے، اسی اتحاد سے پاکستان آگے بڑھ رہا ہے۔ انہوں نے لاہور کالج فار ویمن یونیورسٹی کے کانووکیشن سے خطاب میں کہا کہ آج پاکستان عالمی سطح پر مصالحتی کردار ادا کر رہا ہے اور وزیراعظم شہباز شریف کی قیادت میں پیٹرولیم بحران نہیں ہے۔ مریم نواز نے کہا کہ خواتین کسی بھی شعبے میں مردوں سے کم نہیں، پنجاب میں خواتین کے تحفظ کیلئے پینک بٹن، ورچوئل پولیس اسٹیشن اور زیرو ٹالرنس پالیسی پر کام جاری ہے۔ انہوں نے بتایا کہ 1 لاکھ ہونہار اسکالرشپس، طلبہ کیلئے الیکٹرک بائیکس اور لیپ ٹاپ اسکیم جاری ہیں، جبکہ تعلیم اور انفراسٹرکچر کی بہتری حکومت کی ترجیح ہے۔ وزیراعلیٰ نے کہا کہ پاکستان آج دہشت گردی کے تاثر سے نکل کر عالمی سطح پر اہم کردار ادا کر رہا ہے۔