ملتان : مرکزی ترجمان مسلم سٹوڈنٹس آرگنائزیشن پاکستان بلال ربانی نے دینی مدارس بل سے متعلق میڈیا سے گفتگو کرتے ہوئے کہا ہے کہ حکومت مدارس رجسٹریشن ترمیمی ایکٹ بل کو متنازعہ بنانے سے گریز کرے ،ترمیمی ایکٹ مدارس رجسٹریشن کے قانون کو صدر مملکت آصف علی زرداری نے واپس کر کے ثابت کیا کہ مدارس کے قومی دھارے میں شمولیت کے مخالف حکومت ہے،غیر ملکی آقاؤں کی خوشنودی کیلئے دینی مدارس رجسٹریشن قانون کو مسترد کیا گیا ہے جو کہ انتہائی شرمناک عمل ہے۔مرکزی ترجمان مسلم سٹوڈنٹس آرگنائزیشن پاکستان بلال ربانی اپنے بیان میں مزیدکہا کہ دینی مدارس اسلام کے قلعے اور اسلامی تہذیب و تربیت کے عظیم مراکز ہیں،لاکھوں طلبائ پر سرکاری ڈاکہ زنی قابل مذمت اور شرمناک ہے، حکومت مدارس ترمیمی بل فی الفور منظور کرے بصورت دیگر مسلم سٹوڈنٹس آرگنائزیشن پاکستان بھرپور احتجاجی تحریک چلائے گی۔