ملتان:  گورنمنٹ گریجویٹ کالج چونگی نمبر 14 ملتان میں یوم اساتذہ کے حوالے سے ایک پروقار تقریب کا انعقاد کیا گیا ۔ جس میں بطور مہمان ِخصوصی سیکرٹری ہائیر ایجوکیشن ڈیپارٹمنٹ پنجاب ڈاکٹر فرخ نوید نے خصوصی شرکت کی ۔ تقریب میں نظامت کے فرائض پرنسپل گورنمنٹ گریجویٹ علمدار کالج پروفیسر علی سخن ور نے ادا کئے۔تقریب کے آغاز میں پرنسپل کالج ہذا مسز فوزیہ یاسر نے معزز مہمانان گرامی اور پرنسپل صاحبان کا شکریہ ادا کیا ۔ اور انہوں نے ہائیر ایجوکیشن ڈیپارٹمنٹ کے اُن موثر تعلیمی اقدامات و اصلاحات کو سراہا جن کی بدولت صوبہ پنجاب کے تمام کا لجز شبانہ روز ترقی کر رہے ہیں۔یہ تقریب ا ن قابل فخر پرنسپل صاحبان کی بے لوث محنت اور انتھک کاوشوں کو خراج ُتحسین پیش کرنے کے لئے منعقد کی گئی کہ جن کی قیادت میں کا لجز کی انرولمنٹ ُمیں خاطر اضافہ ہوا۔تقریب کے اختتام پر سیکرٹری ہائیر ایجوکیشن ڈیپارٹمنٹ ڈاکٹر فرخ نوید نے شرکاء محفل سے خطاب کرتے ہوئے کالج اساتذہ کرام کی تعلیمی و پر نسپل صاحبان کی انتظامی خدمات کو سراہا جن کی وجہ ہے سرکاری کا لجز کی تعلیمی ترقی میں خاطر خواہ اضافہ ہوا ہے۔تقریب میں ملتان ڈویژن کے تمام کالجز کے پرنسپل صاحبان کے علاؤہ پارلیمانی سیکرٹری اجمل چانڈیہ صاحب نے بھی خصوصی شرکت کی۔ تقریب کے اختتام پر مہمان خصوصی ڈاکٹر فرخ نوید نے ملتان ڈویژن میں نمایاں کارکردگی کا مظاہرہ کرتے ہوئے پرنسپل صاحبان میں تعریفی اسناد اور شیلڈ تقسیم کیں۔

 

Post Views: 91

تازہ ترین، علاقائی خبریں اس تحریر کا آر ایس ایس