ملتان :  پنجاب گڈز ٹرانسپورٹرز ایسوسی ایشن ساؤتھ پنجاب کے صدر ساجد اعوان نے کہا ہے کہ پی ٹی ائی کی احتجاج کی کال کے باعث گاڑیوں کی پکڑ دھکڑ کا سلسلہ بند کیا جائے اور ٹرانسپورٹرز کا معاشی قتل نہ کیا جائے بصورت دیگر ٹرانسپورٹرز بھرپور احتجاج پر مجبور ہو جائیں گے ساجد اعوان نے مزید کہا کہ ٹرانسپورٹرز پہلے ہی معاشی بدحالی کا شکار ہیں اور ائے روز ناجائز جرمانوں ڈکیتی چوری کی بڑھتی ہوئی وارداتوں کے وجہ سے شدید پریشانی سے دوچار ہیں اور ان کے لیے کاروبار زندگی بحال رکھنا انتہائی مشکل ہو چکا ہے اب پی ٹی ائی کی احتجاج کی کال کے باعث ٹرانسپورٹرز کی گاڑیوں کی پکڑ دھکڑ افسوس ناک ہے اسی لیے ٹرانسپورٹرز کی گاڑیوں کی پکڑ دھکڑ کا سلسلہ بند کیا جائے اگر پی ٹی ائی کے احتجاج کو روکنا ہے تو حکومتی مشینری خود اپنا بندوبست کرے نہ کہ کسی کا معاشی قتل کرے۔