پشاور: خیبرپختونخوا کے وزیراعلیٰ علی امین گنڈاپور نے آئینی ترمیم کے معاملے میں کھل کر اپنا مؤقف پیش کردیا۔  انہوں نے پشاور میں میڈیا سے گفتگو کرتے ہوئے کہا کہ یہ آئینی ترامیم جمہوریت پر حملہ ہے اور ہم اس کو کامیاب نہیں ہونے دیں گے۔ علی امین گنڈا پور نے کہا کہ ’انہوں نے سوچا کیسے یہ جمہوریت کے ہوتے ہوئے ایسا بل لائیں گے۔ علی امین گنڈا پور نے کہا کہ ہم عدلیہ کے ساتھ کھڑے ہیں اور انہیں ہم پارلیمنٹ میں شکست دیں گے اور اپنے جائز حق کیلئے کھڑے رہیں۔اس طرح کا بل پاس ہونا تو دور کی بات ہے،اسمبلی میں بھی نہیں پیش کرسکتے۔