ملتان:عدالت نے نشتر ہسپتال سے آرتھو پیڈک اور نیوروسرجری وارڈز ختم کرنے کا حکومتی اقدام کالعدم قراردیدیا ۔ تفصیلات کے مطابق لاہورہائیکورٹ ملتان بنچ میں نشتر ہسپتال سے آرتھو پیڈک اور نیوروسرجری وارڈز ختم کرنے کے حکومتی اقدام کیخلاف درخواست پر سماعت ہوئی، عدالت نے نشتر ہسپتال سے آرتھو پیڈک اور نیوروسرجری وارڈز ختم کرنے کا حکومتی اقدام کالعدم قراردیدیا ۔جسٹس طارق سلیم شیخ نے آرتھوپیڈک اور نیوروسرجری ڈیپارٹمنٹ قائم رکھنےکاحکم دیدیا۔

واضح ہو کہ نشتر ہسپتال سے آرتھو پیڈک اور نیوروسرجری وارڈز ختم کرنے کے حکومتی اقدام پرعوام میں غم و غصہ پایا جارہا تھا جس پر مختلف سیاسی اور سماجی تنظیموں کی جانب سے احتجاجی ریلیاں بھی نکالی گئیں