ملتان (صفدر بخاری سے)معروف سیاسی وسماجی شخصیت اور جماعت اسلامی کے رہنما ڈاکٹر حفیظ انور

آج اپنے خالقِ حقیقی سے جا ملے۔ اِنَّا لِلّٰہ وَاِنَّا اِلَیہ رَاجِعُون

وہ اسلامی جمعیت طلبہ ملتان کے ناظم رہے،اسلامی جمعیت طلبہ نے انہوں نے تحریکی فکر اور شخصیت میں ڈھالا۔

بنیادی طور پر وہ دعوت وتربیت کے آدمی تھے۔جس فرد سے ملتے کوشش کرتے کہ اُسے تحریک کے قریب لے آئیں۔اسے اپنا ہدف بناتے، لٹریچر پڑھاتے اور تحریکی بنا کر چھوڑتے۔ مجھے اسلامی جمعیت طلبہ کے ساتھ وابستہ کرنے میں ان کا کلیدی کردار رہا۔ ان کی زندگی روشنِ چراغ کی مانند تھی،وہ کھرے اور صاف ستھرے کر دار واخلاق کے مالک تھے۔ان کی ذاتی اور اجتماعی زندگی قابل قدر اور مثالی رہی،تحریک ان کی زندگی میں ترجیح اوّل اور اوڑھنا بچھونا رہی،وہ خود ہی نہیں انکی پوری فیملی تحریک کی جدوجہد میں ہمیشہ سرگرم رہی یہی ان کا امتیاز تھا۔

اللہ رب العزت ان کی مغفرت فرمائے،درجات بلندکرے۔اور اعلی علیین سے نوازے آمین