اسلام آباد: وزیراعظم شہباز شریف نے امریکی صدر جوبائیڈن کے خط کا جواب بھجوا دیا۔  وزیراعظم شہباز شریف نے صدر جوبائیڈن کے خط کے جواب میں لکھا کہ پاکستان امریکہ کے ساتھ تعلقات کو کلیدی اہمیت دیتا ہے، دونوں ملک توانائی ، موسمیاتی تبدیلی، زراعت سمیت شعبوں میں مل کر کام کر رہے ہیں شہباز شریف نے کہا کہ دونوں ممالک کے مابین گرین الائنس کے اقدام اور توانائی میں تعاون خوش آئند ہے، امریکہ کے ساتھ عالمی امن و سلامتی کیلئے مل کر کام کر رہے ہیں۔