واشنگٹن:امریکہ نے کہا ہے کہ پاکستان میں جمہوریت اور آئینی نظام کی حمایت کرتے ہیں، پاکستانی عوام اپنے سیاسی فیصلے خود کریں۔ امریکی محکمہ خارجہ کے ترجمان  نیڈ پرائس نے کہا کہ امریکہ پاکستان کو پرامن، مستحکم اور خوش حال دیکھنا چاہتا ہے، پاکستان کو معاشی مسائل اور پاکستانی عوام کو ریکارڈ مہنگائی کا سامنا ہے، امریکہ چاہتا ہے پاکستان کو مستحکم اور دیرپا معاشی راستے پر گامزن کیا جائے۔ ان کامزید کہنا تھاکہ پاک بھارت تعمیری بات چیت اور تنازعات کے حل کیلئے سفارتکاری کی حمایت کرتے ہیں، ثالثی کا فیصلہ پاکستان اور بھارت نے کرنا ہے، دونوں ممالک اتفاق کرتے ہیں تو امریکہ ثالثی کیلئے تیار ہے۔