شکر گڑھ :  مسلم لیگ (ن )کے رہنما دانیال عزیز ٹریفک حادثے میں شدید زخمی ہوگئے۔  دانیال عزیز کی گاڑی کو بھجنہ سٹاپ کے قریب حادثہ پیش آیا۔ ان کی گاڑی سامنے سے آنے والے مزدا گاڑی کے ٹائر پھٹنے سے ٹکرا گئی جس کے نتیجے میں دانیال عزیز اور ان کے 4 ساتھی زخمی ہوگئے۔ حادثے میں مزدا گاڑی کا ڈرائیور جاں بحق ہوگیا۔ سوشل میڈیا پر سامنے آنے والی ویڈیوز میں دیکھا جاسکتا ہے کہ دانیال عزیز شدید زخمی اور خون میں لت پت ہیں، انہیں تشویشناک حالت میں ہسپتال منتقل کردیا گیا ہے۔