ملتان : محمد نواز شریف یونیورسٹی آف انجینئرنگ اینڈ ٹیکنالوجی ملتان میں سیف ڈیجیٹل لٹریسی پروگرام کی تقریب۔ وائس چانسلر پروفیسرڈاکٹر توصیف ایذدکی جانب سے سرٹیفکیٹس کی تقسیم محمد نواز شریف یونیورسٹی آف انجینئرنگ اینڈ ٹیکنالوجی ملتان میں سیف ڈیجیٹل لٹریسی کے موضوع پر ایک خصوصی تقریب کا انعقاد کیا گیا جس میں طلبہ و طالبات نے بھرپور شرکت کی۔ پروگرام کا مقصد طلبہ میں محف وظ اور ذمہ دارانہ ڈیجیٹل استعمال کے حوالے سے آگاہی پیدا کرنا تھا۔تقریب کے مہمانِ خصوصی وائس چانسلر ڈاکٹر توصیف ایذد تھے انہوں نے کامیاب طلبہ و طالبات میں سرٹیفکیٹس تقسیم کیے۔ اس موقع پر طلبہ نے سیف ڈیجیٹل لٹریسی کے موضوع پر مختلف معلوماتی بینرز بھی تیار کیے، جنہیں وائس چانسلر نے بغور دیکھا اور طلبہ کی کاوشوں کو سراہا۔ڈاکٹر توصیف ایذد نے اپنے خطاب میں کہا کہ موجودہ دور میں ڈیجیٹل شعور نہایت اہمیت کا حامل ہے اور نوجوان نسل کو آن لائن پلیٹ فارمز کے محف وظ استعمال، سائبر سیکیورٹی اور ذمہ دار شہری ہونے کے تقاضوں سے آگاہ ہونا چاہیے۔ انہوں نے طلبہ کی تخلیقی صلاحیتوں اور محنت کی تعریف کرتے ہوئے اس قسم کی سرگرمیوں کو وقت کی اہم ضرورت قرار دیا۔تقریب کے اختتام پر شرکاء نے اس عزم کا اظہار کیا کہ وہ ڈیجیٹل دنیا میں محف و ظ طرزِ عمل اپنائیں گے اور دوسروں کو بھی اس حوالے سے آگاہی فراہم کریں۔