اسلام آباد:  وزیراعظم عمران خان کی زیر صدارت پاکستان تحریک انصاف کی کور کمیٹی کا اجلاس ہوا۔ اجلاس کے دوران خطاب کرتے ہوئے وزیراعظم کا کہنا تھا کہ حکومت نے  رحمت اللعالمین ﷺاتھارٹی بنائی ہے۔اتھارٹی توہین رسالت ﷺ کےسدباب کیلئے اقدامات کرے گی۔ حکومت ملک میں خون خرابہ نہیں چاہتی ۔مسائل بات چیت سےحل کرنے کی کوشش کی ہے، کبھی طاقت کےاستعمال اور انتشار کا حامی نہیں رہا۔ بدامنی کا کسی کو فائدہ نہیں ہوگا۔موجودہ صورتحال کوخوش اسلوبی سےحل کرنے کی کوشش کی۔ مذاکرات ہی مسئلے کا واحد حل تھے۔ وزیراعظم کا کہنا تھا کہ  بلدیاتی انتخابات میں ٹکٹ میرٹ پر دیئےجائیں گے، پارٹی رہنمابلدیاتی انتخابات کی تیاریاں شروع کریں۔