کراچی : وفاقی وزیر صحت عبدالقادر پٹیل نے الزام عائد کیا ہے کہ عمران خان کی میڈیکل رپورٹ میں کوکین اور شراب کے اجزاء پائے گئے ہیں۔ کراچی میں پریس کانفرنس کرتے ہوئے قادر پٹیل کا کہنا تھا کہ گرفتاری کے بعد پمز ہسپتال میں عمران خان کا طبی معائنہ کروایا گیا جس کے مطابق  عمران خان کی ٹانگ میں کوئی فریکچر بھی نہیں تھا، میڈیکل رپورٹ میں عمران خان کی ذہنی صحت پر بھی سوالیہ نشان اٹھائے گئے ہیں، عمران خان کی حرکات و سکنات عام آدمی والی نہیں ہیں۔ انہوں نے کہا کہ عمران خان کی ٹانگ میں فریکچر ظاہر کرکے پلستر کرنے والے ڈاکٹروں کے خلاف بھی کارروائی کی جائے گی ۔ وفاقی وزیر صحت کا کہنا تھا کہ 9 مئی کے واقعات منصوبہ بندی اور تریبت کے بغیر ممکن نہیں ہیں، 1971 کے بعد پہلی مرتبہ اس طرح کے واقعات ہوئے۔