ملتان ( صفدربخاری سے) پنجاب حکومت نےصحافی برادری کے تحفظ کیلئے پنجاب جرنلسٹس پروٹیکشن کوارڈینیشن کمیٹی قائم کر دی۔ نگران وزیر اطلاعات و ثقافت عامر میر کے مطابق کمیٹی صحافیوں کے ساتھ ہونے والی زیادتیوں کی تحقیقات اور انکا ازالہ کرے گی. محکمہ داخلہ پنجاب نے کمیٹی کا نوٹی فکیشن جاری کر دیا ہے کمیٹی کی منظوری پنجاب کابینہ کی سٹینڈنگ کمیٹی برائے لاء اینڈ آرڈر نے دی تھی۔ نوٹیفکیشن کے مطابق ڈپٹی انسپکٹر جنرل لیگل پنجاب کو کمیٹی کا کنوینئر مقرر کیا گیا ہے اور کمیٹی میں صدر پی ایف یو جے، صدر ہی یو جے اور صدر لاہور پریس کلب، پی جےایس سی پنجاب چیپٹر اور ایگزیکٹو ڈائریکٹر فریڈم نیٹ ورک بطور ممبر کمیٹی میں شامل ہیں۔ صوبائی وزیر عامر میر کے مطابق کمیٹی صوبے میں صحافیوں کے تحفظ کو یقینی بنائے گی اور ضلعی پولیس افسران اور صحافیوں کے درمیان رابط کار کے طور پر کام کرے گی صوبائی وزیر اطلاعات عامر میر کے مطابق کمیٹی صحافیوں کے ساتھ ہونے والی کسی بھی زیادتی پر ایکشن تجویز کرے گی اورصحافیوں کے خلاف تشدد کے واقعات کا جائزہ لےکر مناسب اقدامات تجویز کریگی ۔ عامر میر نے کہا کہ کیئر ٹیکر گورنمنٹ میڈیا کی آزادی پر مکمل یقین رکھتی ہے