ملتآن:  محکمہ زراعت شعبہ زرعی انجینئرنگ کے زیر اہتمام  ڈینگی سے بچاؤ کے سلسلہ میں آگاہی واک کا اہتمام کیا گیا جس کی قیادت ڈائریکٹر ملتان ڈویژن حارث عبداللہ خان خٹک ، انجینئر شکیل انور ، مزدور رہنما غازی احمد حسن کھوکھر نے کی ۔ اس موقع پر ڈائریکٹر ملتان ڈویژن حارث عبداللہ نے کہا کہ حکومت پنجاب کی خصوصی کاوشوں اور ہدایات پر عمل کرکے ہم ڈینگی جیسی موذی مرض سے نجات حاصل کرسکتے ہیں ۔ انہوں نے کہا کہ ڈینگی ایک خطرناک مچھر سے پیدا ہوتی ہے ڈینگی مچھر سے بچاؤ کی تدابیر بارے انہوں نے کہا کہ پانی کی ٹینکی ، پرانے ٹب ، ٹائرز اور تالاب میں پانی ہرگز کھلا نہ چھوڑا جائے ۔ واک میں جواد علی خان ، نعیم راجپوت ، فورمین عبدالروف ، رمضان ، افتخار حیدر ، شہروز خان ، ناصر قریشی و دیگر نے شرکت کی ۔