ڈیرہ غازی خان (زبیر لودھی سے  )کمشنر ڈیرہ غازی خان ڈویژن لیاقت علی چٹھہ نے کہا ہے کہ خدمت خلق کا اجر دونوں جہانوں میں ملتا ہے،کئی سال سے زیر التوا منظور المنظور آئی ٹرسٹ ہسپتال کے قیام کےلئے ملکر کام کرنا ہوگا۔ڈیرہ غازی خان شہر کے وسط میں 15 کنال رقبہ ٹسٹ ہسپتال بنے گا اور اسے ٹیچنگ ہسپتال کے ساتھ منسلک کریں گے۔کورٹ کیس کی بھی باقاعدگی سے پیروی کی جائے گی۔انہوں نے یہ بات اپنے آفس میں منعقدہ اجلاس کی صدارت کرتے ہوئے کہی۔کمشنر لیاقت علی چٹھہ نے کہا کہ ٹرسٹ آئی ہسپتال قائم ہونے سے لاکھوں مستحق مریض مستفید ہوں گے۔مخیر خاتون نے کئی سال قبل قیمتی رقبہ ٹرسٹ کےلئے وقف کیا۔ نیک مقصد کےلئے عطیہ کی گئی زمین جلد صدقہ جاریہ کےلئے استعمال ہوگی۔اجلاس میں متعلقہ معاملات پر مشاورت کی گئی۔