کراچی: پاک بحریہ نے کروز میزائل’’تیمور‘‘کاکامیاب تجربہ کیا ہے۔ پاک فوج کے شعبہ تعلقات عامہ آئی ایس پی آر کے مطابق میزائل نے فضا سے سمندر میں ہدف کو درستگی سے نشانہ بنایا،کامیاب تجربہ پاک بحریہ کی آپریشنل تیاری کا عملی مظاہرہ ہے،کامیاب تجربے سے پاک بحریہ کی صلاحیت کی توثیق ہوتی ہے۔ آئی ایس پی آر کے مطابق کروز میزائل تیمور کی کامیاب فائرنگ کامظاہرہ قومی دفاعی صلاحیت میں ایک اہم اضافہ ہے،کامیاب میزائل تجربے سے مسلح افواج کی دفاعی صلاحیتوں کو تقویت ملی ہے۔ آئی ایس پی آر کے مطابق پاک بحریہ مفادات، سمندری حدود کے دفاع کیلئے پرعزم ہے،صدر، وزیراعظم اور عسکری قیادت نے کامیاب تجربے پر سائنسدانوں اور انجینئرز کو مبارکباد دی ہے۔