اسلام آباد:  وزیر اعظم عمران خان نے واضح کیا ہے کہ وہ کسی صورت بھی شہباز شریف کو وزیر اعظم نہیں بننے دیں گے۔ پاکستان تحریک انصاف کی پارلیمانی پارٹی کے اجلاس میں ارکان سے گفتگو کرتے ہوئے عمران خان نے واضح کیا کہ شہباز شریف اچکن نہیں پہن سکے گا، ہم کہیں نہیں جا رہے ، آپ دیکھتے جائیں، یہ سارے مل کر بھی ہمیں نہیں روک سکتے۔ نجی ٹی وی اے آر وائی نیوز کے مطابق وزیر اعظم نے ارکان سے کہا کہ استعفے دینے کا مطلب سازش کامیاب بنانے کے مترادف ہوگا اور کسی صورت بھی حکومت گرانے کی سازش کامیاب نہیں ہونے دیں گے۔