ریاض:  سعودی وزیر داخلہ شہزادہ عبدالعزیز بن سعود بن نائف پاکستان کا دورہ کریں گے۔منگل کو پاکستان کی وزارتِ داخلہ کی جانب سے جاری ہونے والے بیان کے مطابق سعودی وزیر داخلہ پاکستانی ہم منصب شیخ رشید احمد کی خصوصی دعوت پر7 فروری کو پاکستان پہنچیں گے۔سعودی وزیر داخلہ اپنے ایک روزہ دورہ پاکستان کے دوران اہم حکومتی اور سکیورٹی شخصیات سے ملاقاتیں کریں گے۔پاکستان کی وزارتِ داخلہ کی جانب سے جاری ہونے والے بیان کے مطابق سعودی وزیر داخلہ صدر مملکت ڈاکٹرعارف علوی اوروزیراعظم عمران خان سے ملاقاتیں کریں گے۔بیان کے مطابق سعودی وزیر داخلہ اپنے ہم منصب شیخ رشید احمد سے بھی ملاقات کریں گے۔سعودی وزیر داخلہ علاقائی صورت حال سمیت دیگر اہم امور پر بات چیت کریں گے۔

Post Views: 287

تازہ ترین، انٹرنیشنل اس تحریر کا آر ایس ایس