لاہور: وزیراعلیٰ پنجاب مریم نواز نے کوئٹہ سے پنجاب آنے والی مسافر بس پر فتنہ الہندوستان کے دہشت گردوں کے حملے کی شدید الفاظ میں مذمت کی ہے۔ وزیراعلیٰ نے اس حملے کو بزدلانہ اور انسانیت سوز عمل قرار دیتے ہوئے بے گناہ مسافروں کی شہادت پر گہرے رنج و غم کا اظہار کیا ہے۔ وزیراعلیٰ مریم نواز نے شہداء کے سوگوار خاندانوں سے دلی ہمدردی اور تعزیت کرتے ہوئے کہا کہ پنجاب حکومت غم کی اس گھڑی میں متاثرہ خاندانوں کے ساتھ کھڑی ہے۔ انہوں نے اس افسوسناک واقعے کے ذمہ دار عناصر کو کیفر کردار تک پہنچانے کے عزم کا اعادہ بھی کیا۔