ملتان (صفدر بخاری سے): محکمہ ایکسائز اینڈ ٹیکسیشن ملتان کی موٹر برانچ میں سینئر ٹیکسیشن آفیسر اعجاز محمود کی بطور ایم آر ٹو تعیناتی پر موٹر برانچ کے انسپکٹرز اور ملازمین نے خوشی کا اظہار کیا۔ اس موقع پر ملازمین نے ان کا پرتپاک استقبال کیا اور پھول پیش کیے۔ ملازمین کا کہنا تھا کہ وہ امید رکھتے ہیں کہ اعجاز محمود بہتر کوآرڈینیشن اور حسن سلوک کے ساتھ ادارے میں خدمات سرانجام دیں گے۔ اس موقع پر ایم آر ٹو اعجاز محمود نے کہا کہ ملازمین ادارے کا قیمتی سرمایہ ہیں، اور توقع ہے کہ وہ پہلے سے بھی زیادہ محنت اور لگن کے ساتھ حکومتی محاصل کی وصولی کو یقینی بنائیں گے۔ استقبال کرنے والوں میں انسپکٹر ریحان فاروق جاٹ، حسن عباس سپرا، شبیر غوری، عدنان خان، طاہر عباس سندیلہ، خالد گجر، نوید احمد سمیت دیگر ملازمین موجود تھے

،