ملتان: پاکستان تحریک انصاف کے ٹکٹ ہولڈر این اے 148 بیرسٹر ملک تیمور الطاف مہے نے کہا ہے کہ بند بوسن سے شیرشاہ تک سینکڑوں سیلاب متاثرہ خاندانوں میں راشن، خیمے اور دیگر ضروری سامان تقسیم کیا گیا ہے۔ انہوں نے کہا کہ یہ مشکل وقت ان شاء اللہ جلد گزر جائے گا اور اللہ تعالیٰ ہمیں اس آفت سے نجات عطا فرمائے۔ تیمور الطاف نے بتایا کہ امدادی سامان پر ان کا نام یا تصویر کہیں بھی شائع نہیں ہوئی اور عوام اس بات کی گواہ ہے۔ انہوں نے اپنے تمام دوستوں اور ساتھیوں کا شکریہ ادا کیا جنہوں نے مشکل حالات میں ان کا ساتھ دیا اور متاثرین تک امداد پہنچانے میں بھرپور تعاون کیا۔ پی ٹی آئی رہنما نے مزید کہا کہ یونین کونسلز میں ان کے کارکن اور دوست سرگرمی سے متاثرین کی مدد کر رہے ہیں اور یہ سلسلہ سیلاب زدگان کی مکمل بحالی تک جاری رہے گا۔