اسلام آباد :  حکومت نے سیلاب سے متاثرہ علاقوں میں اگست کے بجلی کے بل معاف کر دیئے۔ وفاقی وزیرپاور ڈویژن سردار اویس احمد لغاری کا کہنا تھاکہ سیلاب زدہ علاقوں میں اگست کے وصول کردہ بجلی کے بل واپس ہوں گے۔ پاور ڈویژن فیصلے پر فوری عملدرآمد یقینی بنائے گا۔ اس سے قبل وزیراعظم شہباز شریف نے سیلاب متاثرہ علاقوں میں اگست کے بجلی بلوں کی وصولی روک دی تھی۔وزیراعظم کا کہنا تھا کہ آئی ایم ایف سے معاملات طے ہونےکے بعد متاثرہ علاقوں کے لیے بجلی بل پیکیج کا حتمی اعلان ہوگا جن سیلاب متاثرہ صارفین سے اگست کا بجلی کا بل وصول کیا جاچکا ہے وہ آئندہ ماہ ایڈجسٹ کیا جائےگا۔