ملتان:  میاں نواز شریف حمایت تحریک کے چیئرمین ملک رمضان اعوان، چیئرپرسن حدیقہ جبین ایڈووکیٹ اور مسلم لیگ (ن) کے رہنما ملک نوید اقبال نے مشترکہ پریس کانفرنس سے خطاب کرتے ہوئے کہا کہ پاک فوج نے ہمیشہ ملک و قوم کی بھلائی کے لیے بھرپور کردار ادا کیا ہے۔ موجودہ سیلاب میں بھی فوجی جوان اپنی جانوں کو خطرے میں ڈال کر متاثرین کی مدد کر رہے ہیں۔ رہنماؤں نے کہا کہ فوج ہماری قومی پہچان اور فخر ہے، اسی کی بدولت ہم آزاد فضا میں سانس لے رہے ہیں۔ انہوں نے واضح کیا کہ فوج پر تنقید کرنے والے دراصل ملک دشمن ہیں۔ سیلاب زدہ علاقوں میں فوجی جوان جس جذبے سے عوام کو بچا رہے ہیں، اس پر ہم انہیں خراج تحسین اور سیلوٹ پیش کرتے ہیں۔