ملتان(صفدربخاری سے) آج چلڈرن ہسپتال ملتان میں اسپیشل سیکٹری امان اللہ نے ڈین پروفیسر ڈاکٹر محمد کاشف چشتی کے ہمراہ مختلف وارڈز کا تفصیلی دورہ کیا۔ اس موقع پر میڈیکل سپرنٹنڈنٹ ڈاکٹر کامران آصف بھی موجود تھے۔ دورے کے دوران اسپیشل سیکٹری نے میڈیکل و سرجیکل آؤٹ ڈور، میڈیکل وارڈز، بچوں کے نرسری وارڈز، سرجری وارڈ، گردہ و مثانہ وارڈ، ڈائیلسز یونٹ اور لیبارٹری سمیت دیگر شعبہ جات کا معائنہ کیا۔ انہوں نے زیر علاج مریضوں کے لواحقین سے ہسپتال کی جانب سے فراہم کی جانے والی سہولیات کے بارے میں دریافت کیا اور ان کے مسائل سنے۔ اسپیشل سیکٹری امان اللہ نے عملے کو ہدایت کی کہ مریضوں کو بہتر علاج و معالجے کے ساتھ ساتھ سہولیات کی فراہمی میں کسی قسم کی غفلت نہ برتی جائے اور مریضوں کی خدمت کو اولین ترجیح بنایا جائے۔