ملتان : وومن چیمبر آف کامرس اینڈ انڈسٹری (WCCI)کی بانی صدر محترمہ سعدیہ علی نے کہا ہے کہ تجارتی حقوق کی نمائندگی کا مرکز بنایا گیا ہے جو خانیوال کی معاشی ترقی میں خواتین کا کردار مزید مضبوط کرے گا ان خیالات کا اظہار انہوں نے وومن چیمبر آف کامرس اینڈ انڈسٹری (WCCI) خانیوال کے نئے دفتر کے شا ند ار افتتاح اور اراکین کو کارڈز اور بیجز کی تقسیم کی پُرمسرت تقر یب کے موقع پر ایک تا ر یخی خطاب میں کیا۔صاحبزادی خان نے تلاوت پاک،پروفیسر رضیہ رحمٰن نے ہدیہ نعت کی سعادت حاصل کی نظامت کے فرائض نائلہ فاروق نے سر انجام دئیے تقریب میں نامور خواتین کاروباری شخصیات، معاشرتی رہنماؤں کے ساتھ ساتھ کاروباری خواتین نے بھی شرکت کی، جنہوں نے اس اہم موقع کو ایک یادگار بنایا۔ نئے افتتاح شدہ دفتر کو خواتین کاروباریوں کے لیے نیٹ ورکنگ، تجارتی حقوق کی نمائندگی کا مرکز بنایا گیا ہے، جو خانیوال کی معاشی ترقی میں خواتین کا کردار مزید مضبوط کرے گا۔ وومن چیمبر آف کامرس اینڈ انڈسٹری (WCCI) خانیوال کی بانی صدر محترمہ سعدیہ علی کی دوراندیش قیادت اور انتھک محنت کے بغیر ممکن نہیں تھی۔ خواتین کی معاشی خودمختاری کے لیے ان کی لگن، جذبے اور بے لوث خدمات نے چیمبر کو نئی بلندیوں تک پہنچایا ہے۔ ان کی رہنمائی میں چیمبر نے ترقی کی نئی منازل طے کی ہیں، جس نے خواتین کو کاروبار میں کامیابی کے مواقع فراہم کیے ہیں۔ محترمہ بانی پرصدر سعدیہ علی کی متاثر کن قیادت نے نہ صرف وومن چیمبر کو فروغ دیا بلکہ آنے والی نسلوں کے لیے بھی ایک مثال قائم کی ہے۔ آج کی تقریب ان کی محنت اور عزم کی گواہ ہے کہ وہ خانیوال کی خواتین کو معاشی طور پر مضبوط بنانے کے لیے پرعزم ہیں تقریب میں محترمہ پروفیسر رضیہ رحمان، محترمہ بسم اللہ ارم، محترمہ نائلہ فاروق، محترمہ میمونہ فردوس، محترمہ رفعت ساجدہ،مدیحہ رانا،ثمینہ صادق،سلمہ قمر،ثمینہ نیازی،نورین نیازی، عرفانہ داہا،ثمینہ ماجد،نے شرکت کی مقررین نے کہا کہ ان کی کاوشوں کے لیے اپنی شکرگزاری اور عقیدت کا اظہار کرتے ہیں اور تسلیم کیا کہ ان کی قیادت نے خواتین کے لیے ایک روشن اور جامع کاروباری ماحول کی راہ ہموار کی ہے۔ اب جبکہ نیا دفتر فعال ہوچکا ہے اور اراکین کو چیمبر کے سرٹیفکیٹس اور بیجز دیے جاچکے ہیں، WCCI خانیوال تربیتی پروگرامز، رہنمائی اور خواتین کی کاروباری نمائندگی کے لیے اپنی کوششوں کو مزید وسعت دے گا۔ خانیوال چیمبر تمام خواتین کاروباری شخصیات کو اس متحرک ادارے کا حصہ بننے اور ترقی، تعاون اور کامیابی کی اس تحریک میں شامل ہونے کی دعوت دیتا ہے خواتین کو بااختیار اور معاشی طور پر مستحکم بنانے کے لیے اپنی کوششیں اسی طرح جاری رکھے گا۔چیمبر کے نئے آفس کے افتتاح کی خوشی میں کیک کاٹا گیا۔اور مزیدار ریفریشمنٹ کا اہتمام بھی کیا گیا۔