ملتان (صفدربخاری سے) معروف قانون دان و سماجی رہنما ملک محمد مظفر اٹھنگل نے سکول وین پرخودکش حملے کی شدید مزمت کرتے ہوئے کہا ہے کہ دہشت گردوں کا کوئی مذہب نہیں دہشت گرد انسانیت کے دشمن اور انسانوں کے نام پر دھبہ ہیں جو معصوم بچوں کو نشانہ بناتے ہیں ایسے دہشت گرد عناصر کو انسان کہنا انسانیت کی تذلیل ہے۔ انہوں نے کہا کہ اس سے قبل بھی سانحہ اے پی ایس ہو چکا ہے ایسے سانحے ہمارے حوصلے پست نہیں کر سکتے۔ ریاست کو چاہیے کہ ان دہشت گردوں کی جلد سر کوبی کی جائے۔انہوں نے مزید کہا کہ پوری قوم متحد ہو کر ان دہشت گرد عناصر کے خلاف آواز بلند کرے ۔اور حکومت پاکستان خضدار جیسے حساس علاقوں میں تعلیمی اداروں کو مؤثر تحفظ فراہم کرے۔انہوں نے شہید بچوں کے اہل خانہ سے اظہار ہمدردی و یکجہتی کرتے ہوئے اسے ملک دشمن کاروائی بھی قرار دیا۔