اسلام آباد: متحدہ عرب امارات نے مشکل  گھڑی میں پاکستان کا اسلامی برادر ملک ہونے کا ثبوت دیدیا، پاکستان کیلئے مزید ایک ارب ڈالر قرض کی منظوری دیدی۔ وزیراعظم شہباز شریف کی یو اے ای کے صدر شیخ محمد بن زید النہیان سے ملاقات ہوئی ہے،یو اے ای کے صدر نے پاکستان کیلئے 2 ارب ڈالر واجب الادا قرض مؤخر کردیا، شیخ محمد بن زید نے پاکستان کیلئے مزید ایک ارب ڈالر قرض کی منظوری دیدی۔  دونوں رہنماﺅں نے ملاقات میں علاقائی اور بین الاقوامی امور پر تبادلہ خیال کیا،وزیراعظم نے برادر ملک میں مدعو کرنے پر متحدہ عرب امارات کے صدر کا شکریہ ادا کیا،ملاقات میں پاکستان اور یو اے ای کے درمیان موجودہ برادرانہ تعلقات پر تبادلہ خیال کیاگیا،دونوں رہنماﺅں نے باہمی دلچسپی کے علاقائی اور بین الاقوامی امور پر بھی تبادلہ خیال کیا۔

Post Views: 248

تازہ ترین، پاکستان اس تحریر کا آر ایس ایس