اسلام آباد : ڈسٹرکٹ اینڈ سیشن کورٹ میں سابق وزیرِ اعلیٰ خیبرپختونخوا علی امین گنڈا پور کے خلاف شراب و اسلحہ برآمدگی کیس کی سماعت ہوئی۔ عدالت نے علی امین گنڈا پور کی بارہا عدم حاضری پر ان کے خلاف اشتہاری قرار دینے کی کارروائی کا آغاز کر دیا ہے جبکہ وارنٹِ گرفتاری بھی جاری کر دیے گئے۔ کیس کی سماعت جوڈیشل مجسٹریٹ مبشر حسن چشتی نے کی۔ عدالت کو بتایا گیا کہ علی امین گنڈا پور آج بھی پیش نہیں ہوئے۔ مسلسل غیر حاضری کے پیش نظر عدالت نے سخت اقدام اٹھاتے ہوئے وارنٹِ گرفتاری جاری کیے اور اشتہاری کارروائی شروع کرنے کا حکم دیا۔ تھانہ بارہ کہو میں درج مقدمے پر کارروائی جاری ہے، جبکہ کیس کی اگلی سماعت 5 جنوری کو مقرر کر دی گئی ہے۔

Post Views: 126

تازہ ترین، علاقائی خبریں اس تحریر کا آر ایس ایس