ملتان:  پنجاب ٹیوٹا کیریئر ڈویژن نے چیئرپرسن ٹیوٹا پنجاب بریگیڈیئر(ر) ساجد کھوکھر ستارہ امتیاز (ملٹری)، ایس ڈی جی اخترعباس بھروانہ اور ڈی جی آپریشن – عامر عزیرکے ویژن کے تحت گورنمنٹ کالج آف ٹیکنالوجی ملتان میں جاب فیئر 2025 منعقد کیا گیا۔جس کے مہمان خصوصی میاں بختاور تنویر شیخ، صد ایوانِ تجارت و صنعت،انجینئر محمد اسد خان ریجنل ڈائریکٹر ساؤتھ ریجن، ڈسٹرکٹ ڈائریکٹر ملتان،چوہدری راشد علی،پرنسپل ادارہ ہذا انجینئر عبدالواسع، محمد طلحہ ڈسٹرکٹ پلیسمنٹ آفیسرانجینئر مدثر رشید نے شرکت کی۔ٹیکنیکل ایجوکیشن اینڈ ووکیشنل ٹریننگ اتھارٹی (TEVTA) کیرئیر ڈویژن نے ملتان میں گورنمنٹ کالج آف ٹیکنالوجی میں ایک کامیاب جاب فیئر کا انعقاد کرکے اپنی میل گریجویٹس کو بااختیار بنانے کی جانب ایک اہم قدم اٹھایا۔ اس تقریب کا مقصد TEVTA کے باصلاحیت طلباٗ کو معروف صنعتوں سے جوڑنا، فنی مہارتوں اور روزگار کے مواقع کے درمیان فرق کو ختم کرنا تھا۔جاب فیئر میں ملتان،خانیوال اور مظفرگھڑھ شہر کے اداروں سے 800 سے ذائد طلباٗ نے شرکت کی۔ جاب فئیر میں 30 سے زائد صنعتوں اور کمپنیوں کے کیمپس لگائے گئے۔یہ صنعتوں اور کمپنیوں کے ساتھ مل کر، TEVTA نے باہمی ترقی کے ماحول میں سہولت فراہم کی، جس کے نتیجے میں تقریب کے دوران ہی 200 سے زائد طلباٗ کو ملازمت کی پیشکش کی گئی۔ مہمان گرامی نے طلباٗ کو بہترین تعلیم دینے اور ان کے متعلقہ شعبوں میں ملازمتوں کو یقینی بنانے کے لیے TEVTA کے عزم پر زور دیا۔ انہوں نے کہا، ہماری انتھک کوششیں نوجوانوں کوتعلیم کے ذریعے بااختیار بنانے اور نجی شعبے کے ساتھ مضبوط روابط قائم کرنے پر مرکوز ہیں۔صد ایوانِ تجارت و صنعت ملتان نے لوکل اور انٹرنیشنل صنعتوں کو ہنر مند افرادی قوت فراہم کرنے کی اہمیت پر زور دیا۔ انہوں نے مزید کہا کہ ہم اپنے گریجویٹس کو روزگار کے بہترین مواقع فراہم کرکینہ صرف انہیں مکمل بااختیار بنانے میں بلکہ ملک میں صنعتی ترقی کو فروغ دینے میں بھی اپنا کردار ادا کررہے ہیں۔تاکہ پاکستان کو نجی شعبے کے تعاون سے پانچویں صنعتی انقلاب کی طرف بڑھنے میں مدد مل سکے۔جاب فیئر کے اختتام پر صنعتی نمائندوں کیتعاون کے اعتراف میں تعریفی شیلڈز پیش کی گئیں اوراظہار تشکر کیا گیا۔TEVTAجاب فیئر کی کامیابی، دراصل ملکی صنعتوں اور فارغ التحصیل طلبا کے روشن مستقبل کے لیے ایک خوشحال اور ہنر مند افرادی قوت کو فروغ دینے کے عزم کی عکاسی کرتا ہے۔