ملتان: گورنمنٹ ٹیکنیکل ٹرینگ انسٹیٹیوٹ خانیوال روڈ ملتان میں وزیر اعظم میاں شہباز شریف کے اوورسیز یوتھ ایمپلائمنٹ پروگرام کے تحت ٹیکنیکل ایجوکیشن اوروکیشنل ٹرینگ اتھارٹی (TEVTA) اور HAZA انسٹیٹیوٹ کے باہمی اشتراک سے بائیک رائڈر کے تقریباً 200 سے زائد امیدواروں نے شرکت کی۔ ان نوجوانوں کو سعودیہ عرب، اور قطر کے لئے منتخب کیا گیا ہے۔ اس موقع پر ملک منیر احمد پر نسل جی ٹی ٹی آئی خانیوال روڈملتان نے منتخب ہونے والے نوجوانوں کو خطاب کرتے ہوئے کہا کہ نوجوان بیرون ملک جا کر اپنے ملک کا نام روشن کریں تا کہ بعد میں یہ ممالک ہمارے نوجوانوں کو ہی جاب کے لئے منتخب کریں اور یہ اپنی اور اپنے خاندان کی کفالت کا سبب بن سکیں۔ اس سلیکشن کے موقع پر ڈسٹرکٹ ڈائریکٹر ٹیوٹا خانیوال نذر عباس کھوکھر نے خطاب کرتے ہوئے نوجوانوں کو مسلسل محنت اور ایمانداری سے کام کرنے کی تلقین کی۔ HAZA انسٹیٹیوٹ اسلام آباد کی طرف سے حبیب اظہر سندھ پروجیکٹ ڈائریکٹر،نصیر  اور طاہر فضل ریجنل ڈائریکٹر آپریشن پنجاب نے بھی منتخب امیدواروں سے خطاب کیا۔