ملتان:  گروپ وارڈن تنظیم شہری دفاع ملتان خواجہ دلشاد احمد نے کہا حکومت کی طرف سے شہری دفاع کو دور حاضر کے مطابق فعال اور اپ گریڈ کرنے جیسے اقدامات کا خیر مقدم کرتے ہیں وطن عزیز پاکستان کو درپیش چیلنجوں سے نمٹنے کے لیے ضروری ہے ہر شہری مرد و خواتین شہری دفاع کا حصہ بنے اور تربیت حاصل کرکے ملک اور قوم کی خدمت کریں ملکی تاریخ کے سب سے بڑے سیلاب کی تباہ کاریوں کے دوران تنظیم شہری دفاع کے فرنٹ لائن رضاکاروں کو ناقابل فراموش خدمات پر خراج تحسین پیش کرتے ہیں۔