ملتان: حکومت پنجاب، محکمہ ہاؤسنگ، اربن ڈویلپمنٹ اور پبلک ہیلتھ انجینئرنگ کی جانب سے جاری کردہ نوٹیفکیشن کے مطابق عارف عباس کو ڈائریکٹر (ورکس)، واٹر اینڈ سینی ٹیشن ایجنسی (WASA)، ملتان تعینات کر دیا گیا ہے۔ وہ اپنی موجودہ تنخواہ اور سکیل میں فرائض انجام دیں گے۔ اس تقرری کے ساتھ ہی منعم سعید، ڈپٹی ڈائریکٹر (انجینئرنگ/BS-18) کو ڈائریکٹر (ورکس) کے اضافی چارج سے فارغ کر دیا گیا ہے۔دوسری جانب، عبدالسلام کو ڈائریکٹر (ریکوری)، WASA، ملتان مقرر کر دیا گیا ہے، جہاں وہ اپنی موجودہ تنخواہ اور سکیل میں خدمات انجام دیں گے۔ اس تبدیلی کے تحت انجم الزمان، ڈپٹی ڈائریکٹر (ریکوری/BS-18) کو ڈائریکٹر (ریکوری) کے اضافی چارج سے سبکدوش کر دیا گیا ہے۔نوٹیفیکیشن کے مطابق یہ تقرریاں فوری طور پر نافذ العمل ہوں گی۔