ملتان (صفدربخاری سے) نیشنل تاجر اتحاد کے چیئرمین میاں امتیاز احمد شیخ نے کشمیر کے حوالے سے اپنے خیالات کا اظہار کرتے ہوئے کہا کہ “کشمیر پاکستان کی شاہ رگ ہے، اور اس کے بغیر پاکستان کا وجود نامکمل ہے۔ کشمیری عوام کی جدوجہدِ آزادی ایک برحق اور جائز جدوجہد ہے، جس کی حمایت ہر پاکستانی کا قومی، اخلاقی اور سفارتی فرض ہے۔ ہم اپنے کشمیری بھائیوں کے ساتھ ہر محاذ پر کھڑے ہیں اور ان کے حقِ خودارادیت کی مکمل حمایت کرتے ہیں۔ انہوں نے کہا کہ بھارت کی قابض افواج نے مقبوضہ کشمیر میں ظلم و جبر کا بازار گرم کر رکھا ہے۔ نہتے کشمیریوں پر ظلم و ستم، ماورائے عدالت قتل، خواتین کی بے حرمتی اور معصوم بچوں پر تشدد جیسے ہتھکنڈے کشمیری عوام کے حوصلے پست نہیں کر سکتے۔ تاریخ گواہ ہے کہ طاقت کے زور پر کسی قوم کو غلام نہیں رکھا جا سکتا، اور کشمیری عوام نے ہر قربانی دے کر یہ ثابت کیا ہے کہ وہ بھارت کے جبری قبضے کو قبول کرنے کے لیے تیار نہیں۔ شیخ امتیاز نے عالمی برادری، اقوامِ متحدہ، او آئی سی اور انسانی حقوق کی تنظیموں سے مطالبہ کیا کہ وہ کشمیر میں ہونے والے مظالم کا فوری نوٹس لیں اور بھارت پر دباؤ ڈالیں کہ وہ کشمیری عوام کو ان کا جائز حقِ خودارادیت دے۔ انہوں