دبئی: متحدہ عرب امارات نے پانچ سال وزٹ ویزا یا ملٹی پل انٹری طویل مدتی سیاحتی ویزا( 5سالہ) متعارف کرا دیا ہے، جس کے لیے پاکستانی شہری بھی درخواست دے سکتے ہیں۔پاک آبزرور کے مطابق ایسے پاکستانی شہری جن کے بینک اکاﺅنٹس میں گزشتہ 6ماہ سے 4ہزار ڈالر (تقریباً 11لاکھ روپے)کا بیلنس ہے، وہ اس ویزے کے لیے درخواست دینے کے اہل ہیں۔
اس ویزے کی درخواست کے ساتھ دو رنگین تصاویر، پاسپورٹ کی نقل، میڈیکل انشورنس، بینک سٹیٹمنٹ، فلائٹ ٹکٹ اور پاکستانی شناختی کارڈ کی نقل مہیا کرنی ہو گی۔ اس ویزے کے لیے ایئرلائنز، ہوٹلز اور ٹریول ایجنٹس کے ذریعے درخواست دی جا سکتی ہے۔