لاہور: پاکستان مسلم لیگ (ن) کی ضلعی صدر صفیہ سعید کے خلاف بجلی چوری کرنے کا مقدمہ درج کرلیا گیا ہے۔ تفصیلات کے مطابق  لاہور الیکٹرک سپلائی کمپنی (لیسکو) کی بلھے شاہ سب ڈویژن کی حدود میں واقعے مسلم لیگ ن کی ضلعی صدر صفیہ سعید کے ڈیرے پر لیسکو کی لائٹ ٹرانسمیشن لائن سے کنڈا لگا کر بجلی چوری کی جارہی تھی، لیسکو ٹیم نے موقع پر پہنچ کر کنڈے کے لیے استعمال ہونی والی تار قبضے میں لے کر پولیس کے حوالے کردی ہے۔ لیسکو ترجمان کے مطابق  ملزمان نے ڈائریکٹ کنڈ الگا کر لیسکو کو ایک لاکھ روپے کا نقصان پہنچایا جبکہ ملزمان پہلے بھی لیسکو کے 60ہزار روپے سے زائد کے نادہندہ ہیں  جس کی بنا پر ان کا میٹر کاٹ دیا گیا تھا۔ ترجمان کے مطابق ملزمان کے خلاف مقدمہ درج کرکے قانونی کارروائی کا آغاز کردیا گیا ہے۔

Post Views: 201

تازہ ترین، کرائمز اس تحریر کا آر ایس ایس