ملتان(صفدربخاری سے) ڈی آئی جی ٹریفک پولیس پنجاب مرزا فاران بیگ نے کہا ہے کہ پنجاب بھر میں لائسنسنگ کا دائرہ کار وسیع کر دیا گیا ہے۔ پنجاب بھر میں لائسنسنگ سینٹر 47 سے بڑھا کر 150 کر دیے گئے ہیں۔ خصوصی گفتگو کرتے ہوئے انہوں نے کہا کہ اب ہر پاکستانی پنجاب سے کسی بھی ضلعے سے اپنا ڈرائیونگ لائسنس بنوا سکتا ہے۔ پنجاب بھر میں ڈرائیونگ سکول کا دائرہ کار 32 سے بڑھا کر 65 کر دیا گیا ہے۔انہوں نے مزید کہا کہ ڈرائیونگ لائسنس کارڈ نئے فیچر کے ساتھ متعارف کروایا جا رہا ہے۔نئے ڈرائیونگ لائسنس کارڈ میں پوائنٹ سسٹم متعارف کروایا جا رہا ہے۔مرزا فاران بیگ نے کہا کہ پنجاب کے کسی شہری کو ٹریفک پولیس کے حوالے سے کمپلین ہو تو ہمارے کمپلینٹ سیل کے نمبر 24 گھنٹے آپ کی سہولت کے لیے کھلے ہیں۔ہمارا عزم آپ کا تحفظ اور آپ کی منزل کو آسان بنانا ہے۔