اسلام آباد :  وزیر اعظم میاں محمد شہباز شریف کی زیر صدارت اعلیٰ سطح کا اجلاس ہوا جس میں آرمی چیف جنرل عاصم منیر نے خصوصی طور پر شرکت کی ۔ اجلاس میں تمام وزرائے اعلیٰ ، گورنرز , وزیر داخلہ رانا ثنااللہ، وزیر خزانہ اسحاق ڈار سمیت دیگر وفاقی وزراء نے بھی شرکت کی۔ اس موقع پر ملکی معاشی صورتحال کا تفصیلی جائزہ لیا گیا، اجلاس میں فیصلہ کیا گیا کہ ملک میں زراعت ، معدنیات اور آئی ٹی کے شعبوں کو خصوصی توجہ دی جائیگی، یہ تینوں شعبے ملک کو معاشی بحران سے نکالنے میں اہم کردار ادا کرنے کی صلاحیت رکھتے ہیں ۔