لاہور:  محکمہ اینٹی کرپشن پنجاب نے لیہ اراضی کرپشن سکینڈل میں سابق وزیراعظم عمران، ان بہن عظمیٰ خان اور بہنوئی احد مجیدکو طلب کرلیا ہے۔ ترجمان اینٹی کرپشن اسٹیبلشمنٹ پنجاب کی جانب سے جاری اعلامیے کے مطابق لیہ اراضی کرپشن سکینڈل میں چیئرمین پی ٹی آئی کو 19 جون کو دوبارہ ہیڈ کوارٹرز طلب کیا گیا ہے، ان کی بہن عظمیٰ خان اور بہنوئی احد مجید کو بھی اینٹی کرپشن ڈی جی خان میں پیش ہونے کی ہدایت کی گئی ہے۔ اینٹی کرپشن نے طلبی کا نوٹس زمان پارک کی رہائش گاہ پر چسپاں کر دیا۔ ترجمان کا کہنا ہے کہ اینٹی کرپشن کے پاس سابق وزیراعظم کے لیہ اراضی سکینڈل میں ملوث ہونے کے واضح ثبوت موجود ہیں، اراضی کے غیر قانونی انتقال کے لیے ریونیو افسران پر بنی گالا سے دباؤ ڈالا گیا۔